abairt deacair

[Seán]

Tá fadhb bheag agam leis an abairt seo a aistriú:

Which places have you visited in Ireland?

B’fhéidir: Céard iad na haiteanna ar a dtug tú cuairt in Éirinn?

An bhfuil sé seo ceart? Níl mé cinnte faoi “ar a”. An bhfuil bealach eile ann?

GRMA

[Cúnla]

“Cén áit in Éirinn a raibh tú cheana?” / “Cé na háiteacha in Éirinn a raibh tú cheana?”

[Héilics Órbhuí]

Bheadh sé “ar ar thug tú cuairt” nó “ar thug tú cuairt orthu”, ach aontaím le Cúnla, ar bhonn is nach n-úsáidtear “cuairt” mar sin, i mo thuairimse. B’fhearr an focal é má tá daoine i gceist.

[Seán]

Tuigim anois.. GRMA lads

[Hugo]

Bheadh sé “ar ar thug tú cuairt” nó “ar thug tú cuairt orthu”, ach aontaím le Cúnla, ar bhonn is nach n-úsáidtear “cuairt” mar sin, i mo thuairimse. B’fhearr an focal é má tá daoine i gceist.

1- Cé gur féidir “cuairt a thabhairt” ar áiteacha/áiteanna chomh maith, is dócha go mbeadh leagan Chúnla níos nadúrthaí sa chomthéacs seo.

2- “ar thug” an leagan caighdéanach, ach is é “a dtug” (ar nós “bí”, “feic”, srl.) is mó a deirtear i nDún na nGall.

So, a Sheán, bheadh “ar a dtug tú cuairt”/”a dtug tú cuairt orthu” ceart in Ultaibh.

3-

Bheadh sé “ar ar thug tú cuairt”

A Héilics Órbhuí, nach ndeirfeá go bhfuil boladh an Táséfearachais air sin? 🙂

[Héilics Órbhuí]

“Táséfearachais”

Deamhan clú agam cad é…..

Ach tá mo leagansa ceart de réir an chaighdeáin… Sin é a bhí mé a rá.

EDIT:Tuigim anois (buíochas le Google). “Tá sé fear-achas”.
Ní hé ar chor ar bith. Níl “tá sé fear” ceart. Tá “ar ar thug tú cuairt” ceart (pé mínádúrtha a bheadh sé). Difríocht mhór, déarfainnse.

[Seán]

An-suimiúil.. GRMA arís.

[Hugo]

Mo leithscéal nár mhínigh me go soileir é, a Héilics. Ag tagairt do “Bheadh sé” a bhí mé.

Bheadh sé “ar ar thug tú cuairt…” agus Tá/bheadh sé fear. Is é an drochstruchtúr céanna é.

[Héilics Órbhuí]

Oh, tuigim anois. Ceart agat.

[Author]

Posts