- This topic has 11 replies, 1 voice, and was last updated 9 years, 10 months ago by
.
-
Posts
-
Is féidir a rá “is thusa mo mhúinteoir” (“you are my teacher”), ach cén chaoi a ndéarfá “Be my teacher!” agus a leithéid? An féidir úsáid a bhaint an an modh ordaitheach leis an gcopail ar chor ar bith? Tuairim ar bith ag éinne?
Is féidir a rá “is thusa mo mhúinteoir” (“you are my teacher”), ach cén chaoi a ndéarfá “Be my teacher!” agus a leithéid? An féidir úsáid a bhaint an an modh ordaitheach leis an gcopail ar chor ar bith? Tuairim ar bith ag éinne?
You are my teacher. = Is tusa mo mhúinteoir. (tusa gan séimhiú)
Níl modh ordaitheach ag an gcopail. Ní mór “bí” a úsáid, mar sin.
Be my teacher! = Bí i mo mhúinteoirse!
GRMA, a Labhráis! Cheap mé ar an struchtúr sin, ach ní raibh mé cinnte faoi. Maidir le “tusa”/”thusa”, tá an dá fhoirm ann, ceapaim, ar an laghad i nGaeilge Chonamara.
Be my teacher – Bí mar mhúinteoir agam/Bí i do mhúinteoir agam. Ní shilim gur féidir “Bí i mo mhúinteoir” a rá.
Be my teacher – Bí mar mhúinteoir agam/Bí i do mhúinteoir agam.
Go díreach, a Hugo! Bheadh an chéad cheann agam féin freisin, ach an bhfuil tú lánchinnte den dara ceann? D’fhéadfá a rá “bhí sé ina uachtarán ar an gcumann”, ach caithfidh mé a admháil nár tháinig mé ar “Bí i do mhúinteoir agam” ariamh…
Bhuel, is dócha nach ‘in é an bealach is nádurtha lena leithéid a chur in iúl i nGaeilge, mar gheall air gur féidir an scéal a réiteach ar bhealach eile, m. sh. “Bí do mo threorú” in áit “Bí mar threoraí agam”, ach mar sin féin, tá an cheist seo do mo chrá.
Be my teacher – Bí mar mhúinteoir agam/Bí i do mhúinteoir agam. Ní shilim gur féidir “Bí i mo mhúinteoir” a rá.
Ó, tá an ceart agat, ar ndóigh.
‘S dócha go dtig an chopail ins an mhodh foshuiteach a dh’úsáid fosta:
Gura tusa mo mhúinteoir!
May you be my teacher!GRMA, a Lughaidh. Nach ait an rud é nach bhfuil aon mhúnla eile ann seachas na cinn atá luaite thuas.
Tuige nach n-abrófá “múin mé,” “múin thú féin mé”…
Cinnte, tá a fhios agam go maith go raibh cuma beagáinín saorga ar mo cheist agus go bhféadfaí athfhriotal a dhéanamh ar an abairt ach an briathar a úsáid. Ach séard a bhí uaim ná a fháil amach an féidir an réiteach sin a sheachaint. 🙂
Ní minic a deirtear “Be my teacher” ná “Sois mon professeur” ná “Sei mein Lehrer” sna teangacha eile ach an oiread, is dócha, ach mar sin féin, tá an múnla sin ann. D’fhéadfá a rá nach ionann an chopail agus gnáthbhriathra na teangacha úd, ach is féidir an rud céanna a dhéanamh sa Rúisis, cuir i gcás, agus sin teanga a bhaineann úsáid as an gcopail. Mar sin, tá an chosúlacht ar an scéal gurb eisceacht í an Ghaeilge.
- You must be logged in to reply to this topic.
