Is there any difference in these?

[Seáiní]

A chairde

An dtiocfadh le héinne inse domh an bhfuil difear idir na frásaí seo a leanas:

Registration Form

foirm chláraithe

agus

foirm chláracháin

Could someone may be advise are these phrases both correct?

GRMA!

[Onuvanja]

Seans gur “clárúchán” a bhí i gceist agat, seachas “clárachán”? Mara bhfuil dul amú orm, foirm mhalartach de “clárú” atá in “clárúchán”, mar sin déarfainn féin go mbeadh “foirm chlárúcháin” chomh ceart leis an leagan caighdeánach “foirm chláraithe”.

[Seáiní]

Tá an ceart agat, ‘clárúchán’ a bhí i gceist agam.

Shíl mé gur leagan eile ar an rud céanna é.

Grma as sin, measaim go bhfuil an ceart agat.

[Héilics Órbhuí]

Tá an ceart agaibh. Is minic a fheictear leaganacha éagsúla d’fhocail ar nós sin. Ciallaíonn an ceann amháin “form of registering” agus an ceann eile “form of registration” – difríocht mhíshuntasach, a deirimse 😉

[Onuvanja]

Hmm, is fíor dhuit, ceapaim, a Héilics. Mar a deir tú is beag difríocht atá idir “chláraithe” agus “chlárúcháin” sa gcás seo, ach ní bheadh an dá rud feiliúnach i gcónaí. Mar shampla:

1) Ní mór do chách clárú roimh thús na bliana.

2) Déanann an Oifig gach clárúchán a stóráil ar an bhfreastálaí.

Ar an ngníomh (“registering”) atá an bhéim sa gcéad abairt, ach toradh an ghníomh nó fianaise gur chláraigh tú leis an Oifig (“registration”) atá i gceist sa dara ceann.

[Seáiní]

Grma Heilics

[Author]

Posts