Clárúchán Dúnta (Registration Closed) Ceisteanna? daltai1@daltai.com – Deireadh Seachtaine na Gaeilge: 1 – 3 Aibrean 2022

$145.00

Out of stock

Description

 

Feabhra 2022

A chara,

Ní raibh deis againn dul go Long Beach Island le dá bhliain anuas, is mairg a rá.  Ach, tá an feitheamh fada thart, agus rachaimid ar ais sul i bhfad chun Deireadh Seachtaine lán-Ghaeilge a cheiliúradh.  Nach mbíonn an-spraoi go deo againn ar LBI i gcónaí? Agus bainimid an-áthas ar fad as an seans a bheith lenár gcairde agus a bheith ag caint ‘is ag cloisteáil Gaeilge amháin ar feadh deireadh seachtaine iomlán!

Mar is gnách, beidh muid ag an Long Beach Island Foundation of the Arts & Sciences i rith an lae. Is suíomh álainn é, agus beidh muid abálta ár mbricfeasta a ithe ansin ar an dá mhaidin agus lón ar an Satharn chomh maith(béilí éadroma iad sin i mbliana). Is dream an-fháilteach iad ag an LBI Foundation, agus tá fonn mór orthu muide a fheiceáil arís faoi dheireadh thiar thall.

Mar is iondúil, beidh ranganna ar dhá leibhéal (Fáinne Óir agus Fáinne Airgid), léachtaí agus ceardlanna ar fáil. Ach an rud is tábhachtaí a bheas ar siúl ná an seans a bheith ag déanamh spóirt ‘is spraoi trí Ghaeilge amháin ó mhaidin go hoíche. Le haghaidh na hócáide seo beidh Seomra Fáilte againn ag an Haven Beach Motel; agus beidh dinnéar galánta agus seisiún againn ag an mbialann Arlington oíche Dé Sathairn.

Cuireann An Coimisiún Fulbright in Éirinn agus An Roinn Cultúir, Oidhreachta and Gaeltachta maoiniú ar fáil i gcomhair an chláir seo. An dtiocfaidh tú isteach sa chomhluadar seo?  Tá gach eolas thíos, agus tá súil againn go mbeidh tú rannpháirteach inár gcuid eachtraíochta. B’aoibhinn linn do chuideachta!

 


CRUINNIÚ TOSAIGH – 9:00 Oíche Dé hAoine – Haven Beach Motel
Dátaí: 1 – 3 Aibreán 2022
Suíomh: Haven Beach Motel, Long Beach Island (Ocean County), New Jersey
Costas: $145 ar lóistín, béilí agus na himeachtaí go léir (Seomra Singil – $195)
Béilí: Dé Sathairn – Trí bhéile; Dé Domhnaigh – Bricfeasta agus Lón
Clárú: Spriocdháta – 25 Márta.   Tá Foirm Chláraithe Thuas.
Am Teacht: Dé hAoine – Am ar bith thar éis 5:00 u.t..    Cruinniú Tosaigh – 9:00 u.t..
Ceisteanna: Déan teagmháil le Liam ríomhphost

 

Eolas an Bhealaigh

Haven Beach Motel
11004 Long Beach Boulevard
Haven Beach, New Jersey 08008
Guthán: (609) 492-6223
Facs: (609) 492-1350

 CRUINNIÚ TOSAIGH ANSEO – 9:00 Oíche Dé hAoine

Tóg an Garden State Parkway go dtí Bealach Amach # 63 – Cúrsa 72 Soir.
Téigh 7.3 míle (thar Ron John’s agus an Wawa) siar go deireadh.
Cas ar dheis agus beidh tú ar Long Beach Boulevard.
Lean ar aghaidh 4.1 míle (giota beag thar éis an Acme) agus feicfidh tú an Haven Beach Motel ar thaobh na láimhe deise.
 

Tá tú anseo !

*************************************************************************************

OPENING MEETING HERE – 9:00 Friday Evening

Take the “Garden State Parkway” to Exit # 63 – Route 72 East.
Go 7.3 miles (past “Ron John’s” and the “Wawa”) all the way to the end.
Turn right and you will be on “Long Beach Boulevard”.
Continue on for 4.1 miles (a little bit past the “Acme”) and you will see the “Haven Beach Motel” on the right hand side.

Tá tú anseo !