Séimhiú nó Urú

[purplewhiteman]

An é ceart séimhiú nó urú a úsáid tar éis ‘sa’.

An bhfuil riail ann?

Mar shampla, feicim ‘sa phictiúr’ i roinnt áiteanna agus ansin léighim ‘sa bpictiúr’ i roinnt áiteanna eile. Tá go leor samplaí den chineál seo feicthe agam.

Cé acu atá ceart le do thoil/le bhur dtoil?

[Lughaidh]

Braitheann sé ar an chanúint…

Ins an chaighdeán:
– sa + séimhiú ach ní ar d, t (sa duine, sa talamh). Cuireann “sa” t- roimh sl, sn, sr, s+guta, má tá an focal baininscneach, agus ní athraíonn rud ar bith nuair a bhíonn sé firinscneach (sa tsráid vs sa samhradh).

I gCúige Uladh:
– sa + séimhiú ach ní ar d, t (sa duine, sa talamh). Cuireann “sa” t- roimh sl, sn, sr, s+guta i gcónaí (sa tsráid, sa tsamhradh).

I gConamara:
– sa + urú, ach ní ar D, T. Roimh S, bíonn sé mar sa chaighdeán : sa tsráid, sa samhradh.

I gCiarraí:
– sa + séimhiú (ach+urú i gcupla cor cainte), ach ní athraíonn D ná T, cuireann sé urú ar F, agus cuireann sé t- roimh s (msh. sa chrann, sa tigh, sa bhfarraige, sa tsráid, sa tsamhradh).

[purplewhiteman]

Tá mé buíoch gur thug tú solas dom faoi seo a Lughaidh. Go raibh maith agat as an léargas.

[Author]

Posts